【濕地公園微縮場景 ─ 樂高®️積木人仔數目競猜遊戲】
濕地公園正展出由樂高®️ 專業認證大師 洪子健先生 (Andy Hung) 以樂高®️積木設計嘅6組微縮場景，將公園嘅生態環境用全新角度去展示出來。 由於展品非常受歡迎，濕地公園再次邀請Andy為四個具代表性物種，特別設計出樂高®️積木模型。
第一款就係我哋熟悉嘅灣鱷貝貝啦！只要參加以下競猜活動，數數6組微縮場景共有幾多個樂高®️積木人仔，就有機會免費嚟濕地公園參加樂高®️積木工作坊，拎走樂高®️積木貝貝！
競猜活動期：
即日至2023年7月31日，實際時間以系統資料顯示為準。
參加方法：
1. 追蹤香港濕地公園Facebook專頁，並讚好及分享此帖文
2. 於此帖文留言說出最喜歡以下哪一組樂高®️微縮場景及原因：
- 訪客中心
- 濕地探索中心及演替之路
- 原野漫遊徑及蝴蝶園
- 泥灘觀鳥屋
- 魚塘觀鳥屋
- 河畔觀鳥屋
3. 按連結（https://www.wetlandpark.gov.hk/onlineMultiStepForm...）前往指定活動網站
4. 輸入聯絡資料及答案（即6組微縮場景內樂高®️積木人仔嘅總數），確認並遞交資料
獎品：
得獎者將獲邀參加由濕地公園舉辦的指定工作坊，拼砌屬於自己的樂高®️積木〈香港濕地公園特別版〉乙隻，並獲得工作坊當日的濕地公園門票兩張。
得獎名額：
10個〈註：主辦單位將以最接近正確答案的順序，選出10位參加者為得獎者。如順序排列後，排第10位的參加者人數多於一人，將以電腦為有關的參加者進行抽籤，以決定最終的得獎者〉
樂高®️積木人仔數目競猜遊戲 答案公布
濕地公園微縮場景 ─ 樂高®️積木人仔數目競猜遊戲已經完滿結束，非常感謝大家踴躍參與，你哋嘅留言回應亦都令濕地公園感受到大家對展品嘅喜愛。
濕地公園好榮幸可以再次邀請到樂高®️專業認證大師 洪子健先生(Mr. Andy Hung) 嚟到濕地公園，為大家公布呢次遊戲嘅正確答案，佢仲分享咗佢哋團隊製作微縮場景嘅心得，同介紹呢次遊戲獎品嘅特色！
Andy同佢嘅團隊一共用咗一年嘅時間設計同製作呢6組樂高®香港濕地公園微縮場景。為咗令遊客喺觀賞時候有身歷其境嘅感覺，Andy會綜合返實地考察同高空拍攝嘅相片等素材，還原建築物嘅外型同周圍環境嘅面貌。
 |
| 訪客中心 |
 |
| 濕地探索中心及演替之路 |
 |
| 原野漫遊徑及蝴蝶園 |
 |
| 魚塘觀鳥屋 |
 |
| 河畔觀鳥屋 |
 |
| 泥灘觀鳥屋 |
今次遊戲嘅獎品 - 樂高®積木貝貝係咪好靚呢? Andy 好細心咁喺積木貝貝既四肢、尾部同嘴部都運用咗臼位，務求提升像真度，令積木貝貝可以活靈活現。
 |
| 灣鱷貝貝 |
經過覆核後，Andy 確認喺6組微縮場景內樂高®️人仔總數為281人。按遊戲活動要求，已經從眾多參加者當中確定咗10位得獎者名單，亦已透過電郵邀請佢哋參加工作坊。恭喜所有得獎者！
今次落空嘅粉絲都唔好失望，濕地公園喺未來仲會舉辦更多精彩嘅活動等住大家參與！記住like 同 follow 濕地公園哋專頁，留意最新動態啦！
【濕地公園積木工作坊】
日期︰2023年8月20日（星期日）
時間︰11:00 - 12:00
地點︰香港濕地公園訪客中心
 |
| 濕地公園 正門 |
來源：
